ಯುವಕ ಕುಸಿದು ಬಿದ್ದು ಮೃತ್ಯು

ಕುಂಬಳೆ: ಯುವಕನೋರ್ವ ಮನೆಯಲ್ಲಿ ಕುಸಿದು ಬಿದ್ದು ಮೃತಪಟ್ಟ ಘಟನೆ ನಡೆದಿದೆ. ಪೆರುವಾಡ್ ಕಡಪ್ಪುರದ ದಿ| ತಾಡಿಕ್ಕಾರನ್ ಇಸ್ಮಾಯಿಲ್- ನಬೀಸ ದಂಪತಿಯ ಪುತ್ರ ಅಶ್ರಫ್ (37) ಮೃತಪಟ್ಟ ಯುವಕ. ನಿನ್ನೆ ರಾತ್ರಿ 11 ಗಂಟೆಗೆ ಇವರು ಮನೆಯಲ್ಲಿ ವಾಂತಿ ಮಾಡಿ ಕುಸಿದು ಬಿದ್ದಿದ್ದರೆನ್ನಲಾಗಿದೆ. ಕೂಡಲೇ ಕುಂಬಳೆಯ ಆಸ್ಪತ್ರೆಗೆ ತಲುಪಿಸಿ ಬಳಿಕ ಕಾಸರಗೋಡಿನ ಆಸ್ಪತ್ರೆಗೆ ಕೊಂಡೊಯ್ಯುತ್ತಿದ್ದಂತೆ ನಿಧನ ಸಂಭವಿಸಿದೆ. ಮೃತರು ಪತ್ನಿ ಖದೀಜ, ಮಕ್ಕಳಾದ ಸದ, ರಿಹಾನ್, ರಿಂಶಾನ್, ಸಹೋದರ ಸಹೋದರಿಯರಾದ ಹನೀಫ್, ಅಬೂಬಕ್ಕರ್, ರಫೀಕ್, ಮೈಮೂನ, ಅಸ್ಮ, ಸುಹರ, ಖದೀಜ, ಆಯಿಷಾ ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ.