ಸ್ನೇಹಿತನ ಪತ್ನಿಯನ್ನು ಮಾನಭಂಗಗೊಳಿಸಿದ ಆರೋಪಿ ಬಂಧನ

ಮಂಜೇಶ್ವರ: ಸ್ನೇಹಿತನ ಪತ್ನಿಯನ್ನು ಮಾನಭಂಗಗೊಳಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಆರೋಪಿಯನ್ನು ಬಂಧಿಸಲಾಗಿದೆ. ಮೀಯಪದವು ನಿವಾಸಿ ಎಂ. ಮುಹಮ್ಮದಲಿ (40) ಎಂಬಾತ ಸೆರೆಗೀಡಾದ ಆರೋಪಿ. ಈತ ತನ್ನನ್ನು ಮಾನಭಂಗಗೊಳಿಸಿರುವುದಾಗಿ ಆರೋಪಿಸಿ ಯುವತಿ ಇತ್ತೀಚೆಗೆ ಮಂಜೇಶ್ವರ ಪೊಲೀಸರಿಗೆ ದೂರು ನೀಡಿದ್ದಾಳೆ. ಅಲ್ಲದೆ ಯುವತಿ ಶನಿವಾರ ಮೆಜಿಸ್ಟ್ರೇಟ್ ಮುಂದೆ ಹೇಳಿಕೆ ನೀಡಿದ್ದಳು. ಅನಂತರ ಪೊಲೀಸರು ಕೇಸು ದಾಖಲಿಸಿ ಮುಹಮ್ಮದಲಿಯನ್ನು ಸೆರೆ ಹಿಡಿದಿದ್ದಾರೆ. ಆರೋಪಿಗೆ ಕಾಸರಗೋಡು ನ್ಯಾಯಾಲಯ ರಿಮಾಂಡ್ ವಿಧಿಸಿದೆ.