ಕಲ್ಲಿಕೋಟೆ: ಕಾಸರಗೋಡು ಭಾಗಕ್ಕೆ ಆಗಮಿಸುತ್ತಿದ್ದ ಟ್ರಾವಲರ್ ವಾಹನ ವಡಗರ ಮಡಪ್ಪಳ್ಳಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಆಪಘಾಕ್ಕೀಡಾಗಿ ಓರ್ವ ಮಹಿಳೆ ಮೃತಪಟ್ಟರು. ಸಾಲಿಯ (೬೦) ಎಂಬ ಮಹಿಳೆ ಮೃತಪಟ್ಟಿದ್ದು, ಅವರ ಜೊತೆಗೆ ವಾಹನದಲ್ಲಿದ್ದ ೧೨ ಮಂದಿ ಗಾಯಗೊಂಡಿದ್ದಾರೆ. ಈ ಪೈಕಿ ಓರ್ವನ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದು ಬಂದಿದೆ. ಪಾಲಾದಿಂದ ಕಾಸರಗೋಡು ಭಾಗಕ್ಕೆ ಬರುತ್ತಿದ್ದ ಟ್ರಾವಲರ್ ವಾಹನ ಇಂದು ಮುಂಜಾನೆ ಹೆದ್ದಾರಿ ಬದಿಯ ಕಂದಕಕ್ಕೆ ಉರುಳಿದೆ. ಕಾಸರಗೋಡಿನಲ್ಲಿ ವ್ಯಕ್ತಿಯೊಬ್ಬರ ಮರಣಾನಂತರ ಕಾರ್ಯಕ್ರಮದಲ್ಲಿ ಭಾಗವಹಿಸಲೆಂದು ಬರುತ್ತಿದ್ದವರು ಸಂಚರಿಸಿದ ವಾಹನ ಅಪಘಾತಕ್ಕೀಡಾಗಿದೆ.
