ಕಾಸರಗೋಡು: ಶಾಲಾ ವಿದ್ಯಾರ್ಥಿನಿಯಾದ ಹದಿನೈದರ ಹರೆಯದ ಬಾಲಕಿ ಹಲವರಿಂದ ಕಿರುಕುಳಕ್ಕೊಳಗಾಗಿರುವುದಾಗಿ ದೂರಲಾಗಿದೆ.

ಬೇಡಗಂ ಪೊಲೀಸ್ ಠಾಣೆ ವ್ಯಾಪ್ತಿಯ   ಬಾಲಕಿ ಹಲವರಿಂದ ಕಿರುಕುಳಕ್ಕೊಳಗಾಗಿದ್ದಳೆನ್ನಲಾಗಿದೆ. ಈ ಬಗ್ಗೆ ಲಭಿಸಿದ ದೂರಿನಂತೆ ಬೇಡಗಂ ಪೊಲೀಸರು ಇದುವರೆಗೆ ಒಟ್ಟು ೧೫ ಪೋಕ್ಸೋ ಕೇಸುಗಳನ್ನು ದಾಖಲಿಸಿಕೊಂಡಿದ್ದಾರೆ.

ಇತ್ತೀಚೆಗೆ ಶಾಲೆಯಲ್ಲಿ ನಡೆದ ಕೌನ್ಸೆಲಿಂಗ್ ವೇಳೆ ಬಾಲಕಿ  ಕಿರುಕುಳ ಕ್ಕೊಳಗಾದ ವಿಷಯ ಬಹಿರಂಗಗೊಂ ಡಿದೆ. ಈ ಬಗ್ಗೆ ಚೈಲ್ಡ್ ಲೈನ್ ಅಧಿಕಾರಿಗಳು ನೀಡಿದ ದೂರಿನಂತೆ ಬೇಡಗಂ ಪೊಲೀಸರು  ಆರಂಭದಲ್ಲಿ ೮ ಕೇಸುಗಳನ್ನು ದಾಖಲಿಸಿಕೊಂ ಡಿದ್ದರು.  ಈ ಸಂಬಂಧ ಆರೋಪಿ ಗಳನ್ನು ಪೋಕ್ಸೋ ಪ್ರಕಾರ ಬಂಧಿಸಿದ್ದು ಅವರಿಗೆ ರಿಮಾಂಡ್ ವಿಧಿಸಲಾಗಿದೆ. ಇದರ ಬೆನ್ನಲ್ಲೇ ಇತರ ೭ ಮಂದಿ ಕಿರುಕುಳ ನೀಡಿರುವ ವಿಷಯ ಬಹಿರಂಗಗೊಂಡಿದೆ. ಇದರಂತೆ ಪೊಲೀಸರು ಮೊನ್ನೆ ಮೂರು, ನಿನ್ನೆ ೪ ಕೇಸುಗಳನ್ನು ದಾಖಲಿಸಿಕೊಂ ಡಿದ್ದಾರೆ. ಇದೇ ವೇಳೆ  ಕೇಸು ದಾಖಲಿಸಿದ ವಿಷಯ ತಿಳಿದೊಡನೆ ಆರೋಪಿಗಳು ಪರಾರಿಯಾಗಿರುವು ದಾಗಿ ಸೂಚನೆಯಿದೆ. ಇದೇ ವೇಳೆ ಬಾಲಕಿ ಹಲವರಿಂದ ಕಿರುಕುಳಕ್ಕೊಳಗಾದ ಘಟನೆಯ ಬಗ್ಗೆ ಬೇಡಗಂ ಪೊಲೀಸರು ದಾಖಲಿಸಿಕೊಂಡ ತನಿಖೆಯನ್ನು ಸ್ಪೆಷಲ್ ಮೊಬೈಲ್ ಸ್ಕ್ವಾಡ್‌ಗೆ ಹಸ್ತಾಂತರಿಸಲಾಗುವುದೆಂಬ ಸೂಚನೆಯಿದೆ.