ಕಾರಡ್ಕ ರಾಘವ ಬಲ್ಲಾಳ್‌ರಿಗೆ ಕ್ಷೇತ್ರ ಕಲಾ ಅಕಾಡೆಮಿ ಪ್ರಶಸ್ತಿ ಪ್ರದಾನ
ಕಾಸರಗೋಡು: ಕೇರಳ ಕ್ಷೇತ್ರ ಕಲಾ ಅಕಾಡೆಮಿಯ ಪುರಸ್ಕಾರ ಪ್ರಧಾನ ಸಮಾರಂಭ ನಿನ್ನೆ ಕಣ್ಣೂರು ಎರಿವುರಂ ಮಾಡಾಯಿ ಬ್ಯಾಂಕ್ ಸಭಾಂಗಣದಲ್ಲಿ ಜರಗಿತು. ಸಚಿವ ಒ.ಆರ್. ಕೇಳು ಉದ್ಘಾಟಿಸಿದರು. ಶಾಸಕ ಎಂ. ವಿಜಿನ್ ಅಧ್ಯಕ್ಷತೆ ವಹಿಸಿದರು.
ಯಕ್ಷಗಾನರಂಗದಲ್ಲಿ ಹಲವು ವರ್ಷಗಳಿಂದ ಸಕ್ರಿಯರಾಗಿರುವ ಕಾರಡ್ಕ ರಾಘವ ಬಲ್ಲಾಳ್‌ರಿಗೆ ಇದೇ ವೇಳೆ ಸಚಿವರು ಪುರಸ್ಕಾರ ಪ್ರದಾನ ಮಾಡಿದರು. ಶಿಲ್ಪ, ಪ್ರಶಸ್ತಿಪತ್ರ, ನಗದು ಪುರಸ್ಕಾರದಲ್ಲಿ ಒಳಗೊಂಡಿದೆ. ಇದೇ ವೇಳೆ ಖ್ಯಾತ ಗಾಯಕಿ ಕೆ.ಎಸ್. ಚಿತ್ರಾರಿಗೆ ಕ್ಷೇತ್ರ ಕಲಾಶ್ರೀ ಪುರಸ್ಕಾರ, ನರ್ತಕ ಹಾಗೂ ಸಂಶೋಧಕ ಡಾ. ಆರ್.ಎಲ್.ವಿ. ರಾಮಕೃಷ್ಣರಿಗೆ ಕ್ಷೇತ್ರಕಲಾ ಫೆಲೋಶಿಪ್ ಪ್ರದಾನ ಮಾಡಲಾಯಿತು.
ಜೊತೆಗೆ ವಿವಿಧ ಕ್ಷೇತ್ರ ಕಲೆಯ ವಿವಿಧ ವಿಭಾಗಗಳಲ್ಲಿ ಸಾಧನೆ ಮಾಡಿದ ೩೬ ಮಂದಿಗೆ ಪ್ರಶಸ್ತಿ ಪ್ರದಾನ ಮಾಡಲಾಗಿದೆ. ಕ್ಷೇತ್ರ ಕಲಾ ಅಕಾಡೆಮಿ ಅಧ್ಯಕ್ಷ ಕಾಞಂಗಾಡ್ ರಾಮಚಂದ್ರನ್, ಕಾರ್ಯದರ್ಶಿ ಕೃಷ್ಣನ್ ನಡುವಲತ್ತ್, ಚಿರಕ್ಕಲ್ ಅರಮನೆಯ ಟ್ರಸ್ಟಿ ಸಿ.ಕೆ. ರಾಮವರ್ಮ ವಲಿಯರಾಜ ಸಹಿತ ಹಲವರು ಉಪಸ್ಥಿತರಿದ್ದರು. ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ ಜರಗಿತು.
