ಕುಂಬಳೆ ಸರಕಾರಿ ಹೈಯರ್ ಸೆಕೆಂಡರಿ ಶಾಲೆ ಬಹುಮಹಡಿ ಕಟ್ಟಡ ಉದ್ಘಾಟನೆ ೧೬ರಂದು
ಕುಂಬಳೆ: ಇಲ್ಲಿನ ಸರಕಾರಿ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ನಿರ್ಮಾಣ ಪೂರ್ತಿಯಾದ ಬಹು ಮಹಡಿ ಕಟ್ಟಡವನ್ನು ಈ ತಿಂಗಳ ೧೬ರಂದು ಅಪರಾಹ್ನ ೨.೩೦ಕ್ಕೆ ಶಿಕ್ಷಣ ಸಚಿವ ವಿ. ಶಿವನ್ ಕುಟ್ಟಿ ಉದ್ಘಾಟಿಸು ವರು. ಈ ಬಗ್ಗೆ ಕುಂಬಳೆಯಲ್ಲಿ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಪದಾಧಿ ಕಾರಿಗಳು ತಿಳಿಸಿದ್ದಾರೆ. ವೀಡಿಯೋ ಕಾನ್ಫರೆನ್ಸ್ ಮೂಲಕ ಉದ್ಘಾಟನೆ ಕಾರ್ಯಕ್ರಮ ನಡೆಯಲಿದ್ದು, ಶಾಸಕ ಎಕೆಎಂ ಅಶ್ರಫ್ ಅಧ್ಯಕ್ಷತೆ ವಹಿಸುವರು. ಸಂಸದ ರಾಜ್‌ಮೋಹನ್ ಉಣ್ಣಿ ತ್ತಾನ್ ಮುಖ್ಯ ಅತಿಥಿಯಾಗಿರುವರು. ೫ ತರಗತಿ ಕೊಠಡಿಗಳಂತೆ ಮೂರು ಮಹಡಿಗಳಲ್ಲಾಗಿ ಕಟ್ಟಡ ನಿರ್ಮಿಸಲಾಗಿದೆ. ಈ ಶಾಲೆಯಲ್ಲಿ ೧೬೭೯ ಮಕ್ಕಳು, ಹೈಯರ್ ಸೆಕೆಂಡರಿಯಲ್ಲಿ ೬೦೫ ಮಕ್ಕಳು ಸೇರಿ ಒಟ್ಟು ೨೨೮೪ ವಿದ್ಯಾರ್ಥಿಳು ವಿದ್ಯಾರ್ಜನೆಗೈಯ್ಯು ತ್ತಿದ್ದಾರೆ. ಶಾಲೆಯ ಮೂಲಭೂತ ಸೌಕರ್ಯ ಅಭಿವೃದ್ಧಿಗಾಗಿ ಕಿಫ್‌ಬಿ ಮೂಲಕ ೩ ಕೋಟಿ ರೂ. ವೆಚ್ಚದಲ್ಲಿ ಶಾಲಾ ಕಟ್ಟಡ ನಿರ್ಮಿಸಲಾಗಿದೆ.೨೦೨೦ ನವೆಂಬರ್ ನಾಲ್ಕರಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಶಿಲಾನ್ಯಾಸ ಗೈದಿದ್ದರು. ಉದ್ಘಾಟನೆಯ ಮುಂಚಿತವಾಗಿ ವಿದ್ಯಾರ್ಥಿಗಳಿಂದ ಶೋಭಾಯಾತ್ರೆ ನಡೆಯಲಿದೆ. ಈ ಬಗ್ಗೆ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಪಿಟಿಎ ಅಧ್ಯಕ್ಷ ಎ.ಕೆ. ಆರೀಫ್, ಮುಖ್ಯೋ ಪಾಧ್ಯಾಯಿನಿ ಪಿ.ಆರ್. ಶೈಲಜಾ, ಕೆ. ಮುಹಮ್ಮದಲಿ ಮಾವಿನಕಟ್ಟೆ, ಬಿ.ಎ. ರಹ್‌ಮಾನ್ ಆರಿಕ್ಕಾಡಿ, ಕೆ.ಎಂ. ಮೊಯ್ದೀನ್ ಅಸೀಸ್, ಕೆ.ವಿ. ಯೂಸಫ್, ಮುಹಮ್ಮದ್ ಅರಬಿ ಉಳುವಾರ್, ಅನ್ಸಾರ್ ಅಂಗಡಿಮೊಗರು, ಮಧುಸೂದನನ್ ಭಾಗವಹಿಸಿದರು.
