ಬೈಕ್ಗಳ ಅಪರಿಮಿತ ಶಬ್ದ ಸೃಷ್ಟಿಸಿ ಸಂಚಾರ: ಇಬ್ಬರ ಬಂಧನ
ಕುಂಬಳೆ: ಬೈಕ್ಗಳ ನಂಬ್ರಪ್ಲೇಟ್ ಹಾಗೂ ಸೈಲೆನ್ಸರ್ನ ಮಪ್ಲರ್ ಕಳಚಿಟ್ಟು ಅಪರಿಮಿತ ಶಬ್ದದೊಂದಿಗೆ ಸಾರ್ವಜನಿಕರಿಗೆ ಸಮಸ್ಯೆ ಉಂಟಾಗು ವ ರೀತಿಯಲ್ಲಿ ರಸ್ತೆಯಲ್ಲಿ ಅತ್ತಿತ್ತ ಸಂಚರಿಸುತ್ತಿದ್ದ ಇಬ್ಬರನ್ನು ಕುಂಬಳೆ ಪೊಲೀಸರು ಬಂಧಿಸಿದ್ದಾರೆ.
ಕಾಸರಗೋಡು ಚೌಕಿ ನಿವಾಸಿ ಮೊಹಮ್ಮದ್ ಜುನೈದ್ ಬಿ.ಎ (19), ಅಣಂಗೂರು ನಿವಾಸಿ ಅಹಮ್ಮದ್ ಅಲ್ ಹಂಬಲ್ (20) ಎಂಬಿವರು ಬಂಧಿತ ಆರೋಪಿಗಳಾಗಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ. ನಿನ್ನೆ ರಾತ್ರಿ ಈ ಇಬ್ಬರು ಎರಡು ಬೈಕ್ಗಳಲ್ಲಿ ಕುಂಬಳೆ ಬದ್ರಿಯ ನಗರದ ರಸ್ತೆಯಲ್ಲಿ ಅಪರಿಮಿತ ಶಬ್ದ ಸೃಷ್ಟಿಸಿ ಅತ್ತಿತ್ತ ಸಂಚರಿಸುತ್ತಿದ್ದರು. ಈ ಬಗ್ಗೆ ಮಾಹಿತಿ ಲಭಿಸಿದ ಕುಂಬಳೆ ಇನ್ಸ್ಪೆಕ್ಟರ್ ಕೆ.ಪಿ. ವಿನೋದ್ ಕುಮಾರ್ ಹಾಗೂ ಎಸ್ಐ ರಾಜೇಶ್ ಮಪ್ತಿ ವೇಶದಲ್ಲಿ ಬೇರೆ ವಾಹನದಲ್ಲಿ ಕೂಡಲೇ ಸ್ಥಳಕ್ಕೆ ತಲುಪಿ ಬೈಕ್ಗಳನ್ನು ಹಾಗೂ ಅದರ ಸವಾರರಾದ ಮೊಹಮ್ಮದ್ ಜುನೈದ್ ಹಾಗೂ ಅಹಮ್ಮದ್ ಅಲ್ ಹಂಬಲ್ ಎಂಬಿವರನ್ನು ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ.
ಕಳೆದ ಹಲವು ದಿನಗಳಿಂದ ಇದೇ ರೀತಿಯಲ್ಲಿ ಬೈಕ್ಗಳನ್ನು ಅಪರಿಮಿತ ಶಬ್ದ ಸೃಷ್ಟಿಸಿ ಚಲಾಯಿಸಿ ಸಾರ್ವ ಜನಿಕರಿಗೆ ಸಮಸ್ಯೆ ಸೃಷ್ಟಿಸುತ್ತಿರುವುದಾಗಿ ನಾಗರಿಕರು ಪೊಲೀಸರಿಗೆ ದೂರು ನೀಡಿದ್ದರು.
