ರಾಜ್ಯದಲ್ಲಿ ಮತ್ತೆ ನಿಫಾ ಸೋಂಕು ಪತ್ತೆ

ಕಲ್ಲಿಕೋಟೆ: ರಾಜ್ಯದಲ್ಲಿ ಮತ್ತೆ ನಿಫಾ ರೋಗ ಸೋಂಕು ಪತ್ತೆಹಚ್ಚಲಾಗಿದೆ. ಕಲ್ಲಿಕೋಟೆ ವಳಾಂಚೇರಿ ನಿವಾಸಿಯಾದ 42ರ ಹರೆಯದ ಮಹಿಳೆಗೆ ರೋಗ ಬಾಧಿಸಿದೆಯೆಂದು ತಿಳಿದುಬಂದಿದೆ. ಪುಣೆ ವೈರಾಲಜಿ ಲ್ಯಾಬ್‌ನಿಂದ ಲಭಿಸಿದ ಸ್ಯಾಂಪಲ್ ತಪಾಸಣಾ ಫಲಿತಾಂಶ ಪೊಸಿಟಿವ್ ಆಗಿದೆ. ಈ ಮಹಿಳೆಯನ್ನು ಪೆರಿಂದಲ್ ಮಣ್ಣದ ಆಸ್ಪತ್ರೆಯಲ್ಲಿ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಮಹಿಳೆಗೆ ಜ್ವರ, ಕೆಮ್ಮು, ಉಸಿರಾಟ ತೊಂದರೆ ಕಂಡುಬಂದ ಹಿನ್ನೆಲೆಯಲ್ಲಿ ಸ್ಯಾಂಪಲ್ ತಪಾಸಣೆಗಾಗಿ ಕಳುಹಿಸಲಾಗಿತ್ತು.