ಮಂಜೇಶ್ವರ: ನಿಗೂಢ ಸ್ಥಿತಿಯಲ್ಲಿ  16ರ ಹರೆಯದ  ಬಾಲಕಿಯ ಮನೆಗೆ ತಲುಪಿದ ಯುವಕನನ್ನು ಮನೆಯವರು ಸೆರೆಹಿಡಿದು ಪೊಲೀಸರಿಗೆ ಹಸ್ತಾಂತರಿಸಿದ್ದಾರೆ. ಘಟನೆಗೆ ಸಂಬಂಧಿಸಿ ಮಂಜೇಶ್ವರ ಪೊಲೀಸರು  ಪೋಕ್ಸೋ ಕೇಸು ದಾಖಲಿಸಿ  ಯುವಕನನ್ನು ಬಂಧಿಸಿದ್ದಾರೆ.  ಮಂಗಳೂರು ಪರಂಗಿಪೇಟೆ ನಿವಾಸಿಯಾದ ಆಸಿಫ್ (29) ಎಂಬಾತ ಬಂಧಿತ ಆರೋಪಿಯಾಗಿದ್ದಾನೆ. ನಿನ್ನೆ ಸಂಜೆ ಮಂಜೇಶ್ವರ ಪೊಲೀಸ್ ಠಾಣೆ ವ್ಯಾಪ್ತಿಯ ಪ್ರದೇಶವೊಂದರಲ್ಲಿ  ಪ್ರಕರಣಕ್ಕೆ ಕಾರಣವಾದ ಘಟನೆ ನಡೆದಿದೆ. ಯುವಕ ಬಾಲಕಿಯ ಮನೆಗೆ ತಲುಪಿದ್ದಾನೆಂದು ತಿಳಿದ ನಾಗರಿಕರು ಮನೆಗೆ ಸುತ್ತುವರಿದಿದ್ದರು. ವಿಷಯ ತಿಳಿದು ಪೊಲೀಸರು ಸ್ಥಳಕ್ಕೆ ತಲುಪಿ ಯುವಕನನ್ನು ಕಸ್ಟಡಿಗೆ ತೆಗೆದು ತನಿಖೆ ನಡೆಸಿದಾಗ ಪರಂಗಿಪೇಟೆ ನಿವಾಸಿಯಾಗಿದ್ದಾನೆಂದು ತಿಳಿದುಬಂತು.  ಈತನ ಮೊಬೈಲ್ ಫೋನ್ ಪೊಲೀಸರು ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ. ಫೋನ್‌ನಲ್ಲಿ ರುವ ಮಾಹಿತಿಗಳನ್ನು ಸಂಗ್ರಹಿಸಲು ಕ್ರಮ ಕೈಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.