ಮಂಜೇಶ್ವರ: ಪದೇ ಪದೇ ಹಾನಿಗೀಡಾಗಿ ಮುರಿದು ಬೀಳುತ್ತಿದ್ದ ಹೊಸಂಗಡಿ ರೈಲ್ವೇ ಗೇಟ್‌ನ್ನು ಕೊನೆಗೂ ತೆರವುಗಳಿಸಿ ಹೊಸ ಗೇಟ್ ಸ್ಥಾಪಿಸಿರುವುದು ಸಾರ್ವಜನಿಕರಲ್ಲಿ ನೆಮ್ಮದಿಯನ್ನುಂಟುಮಾಡಿದೆ. ನಿನ್ನೆ ನೂತನ ಗೇಟ್‌ನ್ನು ಅಧಿಕಾರಿಗಳ ಉಪಸ್ಥಿತಿಯಲ್ಲಿ ಸ್ಥಾಪಿಸಲಾಗಿದೆ. ಈ ಹಿಂದೆ ಇದ್ದ ಗೇಟ್ ಹಾಕಲು ಕೈಯಿಂದ ತಿರುಗಿಸಬೇಕಾಗಿದ್ದರೆ, ಇನ್ನು ಸ್ವಿಚ್ ಮೂಲಕ ಹಾಕುವ ವ್ಯವಸ್ಥೆ ಇದೆ. ಈ ಹಿಂದಿನ ಗೇಟ್ ತುಕ್ಕು ಹಿಡಿದು ಶೋಚನೀಯಾ ವಸ್ಥೆಯಲ್ಲಿ ಪದೇ ಪದೇ ಮುರಿದು ಬೀಳುತ್ತಿತ್ತು. ಇದರಿಂದ ಗಂಟೆಗಳ ಕಾಲ ಗೇಟ್  ಬಂದ್ ಮಾಡಲಾಗುತ್ತಿದೆ. ಇದರಿಂದ ಮಂಜೇಶ್ವರ ಒಳ ರಸ್ತೆಯಲ್ಲಿ ಸಂಚಾರ ಮೊಟಕುಗೊಂಡು ಸಾರ್ವಜನಿಕರು ಸಂಕಷ್ಟಕ್ಕೀಡಾಗುತ್ತಿದ್ದರು.