ಶಿವಳ್ಳಿ ಬ್ರಾಹ್ಮಣ ಸಭಾದ ನೂತನ ಕಟ್ಟಡ ಉದ್ಘಾಟನೆ

ಸೀತಾಂಗೋಳಿ: ಶಿವಳ್ಳಿ ಬ್ರಾಹ್ಮಣ ಸಭಾ ಕಾಸರಗೋಡು ವಲಯ ಸಮಿತಿ ಆಶ್ರಯದಲ್ಲಿ ಸೀತಾಂಗೋಳಿಯಲ್ಲಿ ನಿರ್ಮಿಸಿದ ನೂತನ ಕಟ್ಟಡ ಶಿವಳ್ಳಿ ಭವನವನ್ನು ಎಡನೀರು ಮಠಾಧೀಶ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಉದ್ಘಾಟಿಸಿದರು. ಬ್ರಹ್ಮಶ್ರೀ ಚಕ್ರಪಾಣಿ ದೇವಪೂಜಿತ್ತಾಯ ಅಧ್ಯಕ್ಷತೆ ವಹಿಸಿದರು. ಬ್ರಹ್ಮಶ್ರೀ ಉಳಿಯ ವಿಷ್ಣು ಆಸ್ರ, ಉಡುಪಿ ಮಾಧ್ವ ಬ್ರಾಹ್ಮಣ ಸಭಾ ಕೇರಳ ರಾಜ್ಯ ಇದರ ಕಾರ್ಯಾಧ್ಯಕ್ಷ ವಿಶ್ರುತ್, ಮಹಿಳಾ ಕಾರ್ಯದರ್ಶಿ ರಮಾದೇವಿ, ಸ್ವಯಂಪ್ರಭ, ವೀಣಾ ಕಡಮಣ್ಣಾಯ, ಬಿ. ವಿಷ್ಣು ಕಕ್ಕಿಲಾಯ, ರತನ್ ಕುಮಾರ್ ಕಾಮಡ, ವಿಷ್ಣು ಭಟ್ ಮಧೂರು, ಸೀತಾರಾಮ ಕುಂಜತ್ತಾಯ, ಚೇತನ್‌ರಾಮ್ ನೂರಿತ್ತಾಯ, ಮುರಳೀಧರ ಕಡಮಣ್ಣಾಯ, ಸೀಮ ಬಿ. , ಮಂಜುನಾಥ ಆಳ್ವ, ಪದ್ಮನಾಭ ರಾವ್ ಶುಭ ಹಾರೈಸಿದರು. ಕಾರ್ಯಕ್ರಮದಲ್ಲಿ ಆರ್ಥಿಕವಾಗಿ ಹಿಂದುಳಿದ ಸದಸ್ಯರಿಗೆ ರಾಧಕೃಷ್ಣ ರಾವ್, ಶಾಂತಾಕುಮಾರಿ ಟ್ರಸ್ಟ್‌ನ ವತಿಯಿಂದ ಗೋಪಾಲಕೃಷ್ಣ ಅಯಂಬಾರೆ ನೀಡಿದ ಧನ ಸಹಾಯವನ್ನು ಎಡನೀರುಶ್ರೀ ಹಸ್ತಾಂತರಿಸಿದರು. ಇದೇ ವೇಳೆ ಜಿಲ್ಲಾ ಕ್ರೀಡಾ ಹಾಗೂ ಸಾಂಸ್ಕೃತಿಕ ಉತ್ಸವದ ಆಮಂತ್ರಣ ಪತ್ರಿಕೆಯನ್ನು ಬಿಡುಗಡೆಗೊಳಿಸಲಾಯಿತು. ಪುತ್ತಿಗೆ ಪಂ. ಉಪಾಧ್ಯಕ್ಷೆ ಜಯಂತಿ, ಪಾಲಾಕ್ಷ ರೈ, ಕಾವ್ಯಾಶ್ರೀ, ಅನಿತಾಶ್ರೀ, ಜನಾರ್ದನ ಪೂಜಾರಿ, ಪ್ರದೀಪ ಅಡಿಗ, ಕಿಶೋರ್ ಕಲ್ಲೂರಾಯ, ವಾಸುದೇವ ಕೊಳತ್ತಾಯ, ವಿಘ್ನರಾಜ, ಜನಾರ್ದನ ಎ.ಪಿ., ನಮೀತಾ ವಸಂತ್, ರಂಜಿನಿ, ಮಮತಾ ಚಕ್ರಪಾಣಿ, ಸುಮನ ಅಡಿಗ, ಕೀರ್ತಿ ರಂಜನ್, ಸುಕನ್ಯ ಉಳಿಯತ್ತಾಯ ಶುಭ ಕೋರಿದರು. ಕಟ್ಟಡ ನಿರ್ಮಾಣದ ರೂವಾರಿ ರಾಜನಾರಾಯಣ ದಂಪತಿಯನ್ನು ಶ್ರೀ ಸ್ವಾಮೀಜಿ ಗೌರವಿಸಿದರು. ಇಂಜಿನೀಯರ್ ಶಿವಶಂಕರ್‌ರನ್ನು ಅಭಿನಂದಿಸಲಾಯಿತು. ಶಿಕ್ಷಣ ಸಾಧನೆಗಾಗಿ ವರ್ಷರನ್ನು ಅಭಿನಂದಿಸಲಾಯಿತು. ಸೀತಾರಾಮ ಪ್ರಸ್ತಾಪಿಸಿ, ಜಯಭಾರತಿ ಪಟ್ಟೇರಿ ಪ್ರಾರ್ಥನೆ ಹಾಡಿದರು. ವಸಂತ ಕುಮಾರ್ ಸ್ವಾಗತಿಸಿ, ಸತ್ಯನಾರಾಯಣ ತಂತ್ರಿ ನಿರ್ವಹಿಸಿದರು. ಸುಮಂಗಲ ತಂತ್ರಿ ವಂದಿಸಿದರು.